Չեխիայում հնչեց աշխարհահռչակ հայ կոմպոզիտոր Տիգրան Մանսուրյանի՝ Հայոց Ցեղասպանության զոհերի հիշատակին նվիրված «Ռեքվիեմը»

23 հունվարի, 2020

Հունվարի 23-ին Չեխիայի Բռնո քաղաքում Բռնոյի Ֆիլհարմոնիկ նվագախմբի և «Baroque Choir» երգչախմբի կատարմամբ և հանրահայտ դիրիժոր Ալեքսանդր Լիբրայխի ղեկավարությամբ առաջին անգամ Չեխիայում հնչեց աշխարհահռչակ հայ կոմպոզիտոր Տիգրան Մանսուրյանի՝ Հայոց Ցեղասպանության զոհերի հիշատակին նվիրված ,,Ռեքվիեմը,,՝ Մաեստրոյի ներկայությամբ։ Համերգին ներկա գտնվեց Չեխիայում ՀՀ դեսպան Աշոտ Հովակիմյանը տիկնոջ հետ։ ,,Բախը և Մանսուրյանը,, խորագրի տակ ընտրված գործերի կատարմամբ այս համերգաշարն (հունվարի 23-24) անցկացվում է Չեխիայում ՀՀ դեսպանության պատվավոր հովանու ներքո։
Չեխ և հայ հանդիսատեսը մեծ հիացմունքով ընդունեցին հայ մեծանուն կոմպոզիտորի աշխատանքը և մեծ ոգևորությամբ դիմավորեցին համերգին ներկա Տիգրան Մանսուրյանին։
ՀՀ դեսպանության նախաձեռնությամբ համերգին նախորդող օրը, հունվարի 22-ին ջերմ մթնոլորտում անցկացվեց Մաեստրո Տիգրան Մանսուրյանի և դեսպան Աշոտ Հովակիմյանի հանդիպումը Բռնոյի հայ համայնքի ներկայացուցիչների հետ, որին Մաեստրոն կիսվեց իր կյանքի հետաքրքիր դրվագներով, խոսեց ,,Ռեքվիեմի,, ստեղծման պատմությունից, ապա նաև մեր հայրենակիցների համար նվագեց իր հայտի ստեղծագործություններից մեկը։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր